Mal 4 | ZomZIV | STEP | “A ni hong tung takpi ta hi; pummei-a kang hong bang ding hi. A kiphasakte le migilote khempeuh ninpa keu tawh kibang ding uh a, hong tung ding tua ni-in amaute meikhuk ah a khul ding hi,” Thahatpen TOPA in ci hi. “A bul a hiangin amaute a kinusiat kei ding hi.

Malachi 4

TOPA’ Ni

1 “A ni hong tung takpi ta hi; pummei-a kang hong bang ding hi. A kiphasakte le migilote khempeuh ninpa keu tawh kibang ding uh a, hong tung ding tua ni-in amaute meikhuk ah a khul ding hi,” Thahatpen TOPA in ci hi. “A bul a hiangin amaute a kinusiat kei ding hi. 2 Ahi hangin ka min a kihta note adingin a khate tungah damna tuangin thumaanna ni a suak ding hi. Tuateh bawngnote a kikhumna pan kikhahkhia-a a dian uh bangin paikhia-in na diang ding uh hi. 3 Tua ciangin migilote na tuancil ding uh a, hih nate ka hih ni ciangin amaute na khepek nuai-ua vut a suak ding uh hi,” Thahatpen TOPA in ci hi. ^a

4 “Ka nasempa Moses thukham, Israel-te khempeuh adinga Horeb a amah ka piak ka thukipte le ka thukhamte phawk un. ^b

5 “Ngai un, a lauhuai mahmah TOPA ni lian hong tun ma-in kamsangpa Elijah kong sawl ding hi. 6 Amah in a pa lungsim a tate lamah hei dinga, a tate lungsim a pate lamah a hei ding hi. Tua hi kei leh kei hong pai-in na gam uh hamsiatna tawh ka susia ding hi,” a ci hi. ^c